Ermənistanın informasiya məkanında seçici siyahıları ilə bağlı növbəti mübahisə yaranıb. Müxalifətə yaxın media resursları yerli seçici siyahılarında guya türk mənşəli bir şəxsin adına rast gəlindiyini iddia edərək bunu ictimailəşdiriblər.
NOCOMMENT.az xəbərinə əsasən, yayılan məlumatların həqiqəti əks etdirmədiyi bildirilir.
Məlumata görə, sosial şəbəkələrdə və bəzi media platformalarında paylaşılan sənədin fotosunda həmin şəxsin atasının adı olan hissə qəsdən gizlədilib.
İddialara əsasən, söhbət ərəb ölkələrinin birindən Ermənistana qayıtmış erməni repatriantdan gedir. Onun atasının adının isə erməni mənşəli “Arutyuni” olduğu qeyd edilir.
Məlumatı yayan tərəf bildirir ki, müxalifət sənədin bir hissəsini kəsərək ictimaiyyətdə yanlış təsəvvür yaratmağa çalışıb. Paylaşılan sənədin tam versiyasının isə şəxsin erməniəsilli olduğunu təsdiqlədiyi vurğulanır.
Hadisə Ermənistanın sosial media seqmentində geniş müzakirələrə səbəb olub. Müxalifətin addımı bəzi istifadəçilər tərəfindən dezinformasiya və manipulyasiya cəhdi kimi qiymətləndirilir. (Musavat.com)
