ABŞ Hərbi Hava Qüvvələrinin nüvə silahı daşımaq qabiliyyətinə malik ən mühüm strateji aktivlərindən biri olan "B-52 Stratofortress" ağır bombardmançı təyyarəsi qəzaya uğrayıb. Hadisə beynəlxalq hərbi analitiklər və media tərəfindən yaxından izlənilir.
NOCOMMENT.az xarici hərbi mənbələrə istinadən xəbər verir ki, qəza təyyarənin növbəti planlı təlim-məşq uçuşu yerinə yetirdiyi vaxt qeydə alınıb.
İlkin məlumatlara görə, strateji bombardmançı havaya qalxdıqdan bir müddət sonra texniki nasazlıqla qarşılaşıb. Ekipaj üzvlərinin vəziyyəti, təyyarənin göyərtəsində hər hansı silah-sursatın olub-olmaması və qəzanın dəqiq hansı aviabaza yaxınlığında baş verdiyi barədə Pentaqon hələlik geniş rəsmi hesabat yaymayıb. Əraziyə dərhal xüsusi xilasetmə və qəza-araşdırma qrupları cəlb olunub.
Qeyd edək ki, "B-52" bombardmançıları ABŞ-ın strateji nüvə triadasının əsas sütunlarından biri hesab olunur və uzunmüddətli xidmət tarixinə malikdir. Müdafiə Nazirliyi hadisənin səbəblərini müəyyənləşdirmək üçün xüsusi komissiya yaradıb.
Sara,
