Argentinanın San Xuan əyalətində baş verən ağır aviasiya qəzası ölkəni sarsıdıb. İdarəetməni itirərək yerə çırpılan helikopterin göyərtəsindəki yeddi nəfərin hamısı həyatını itirib.
NOCOMMENT.az xəbər verir ki, faciə nəticəsində həlak olanlar arasında yerli dövlət bürokratiyasının və xilasetmə strukturunun mühüm rəhbər şəxsləri də var. Hadisədən dərhal sonra San Xuan qubernatoru Marselo Orreqo başsağlığı mesajı yayaraq ölənlərin ailələrinə və bütün ölkə ictimaiyyətinə səbr diləyib.
Aparılan araşdırmalar nəticəsində qurbanların şəxsiyyəti dəqiqləşdirilib. Məlum olub ki, qəza qurbanları arasında San Xuan Mülki Müdafiə Direktoru Karlos Heredia, Ştat Polis Komissarının müavini German Videla, eləcə də peşəkar yanğınsöndürmə xidmətinin əməkdaşları Ruben Kastro və Xorxe Karbaxal yer alırlar. Onların itkisi bölgənin idarəetmə və təhlükəsizlik strukturları üçün ağır zərbə kimi qiymətləndirilir.
Hazırda yerli hüquq-mühafizə və aviasiya qurumları qəzanın başvermə səbəblərini ətraflı araşdırırlar. İlkin ehtimallara görə, faciəyə səbəb texniki nasazlıq və ya çətin hava şəraiti ola bilər. Ərazidə istintaq-axtarış tədbirləri davam etdirilir.
Sara,
NOCOMMENT.az
