Qax rayonunda hava şəraitinin kəskinləşməsi yollarda ciddi çətinliklər yaradıb. İntensiv yağan güclü leysan yağışları nəticəsində rayon ərazisində yol-nəqliyyat hadisəsi qeydə alınıb.
NOCOMMENT.az xəbər verir ki, rayona düşən güclü yağıntı yollarda su sülbünün yaranmasına və görmə məsafəsinin minimuma enməsinə səbəb olub. Məhz bu hava şəraiti sürücülər üçün hərəkəti olduqca çətinləşdirib.
Verilən məlumata görə, magistralda hərəkətdə olan minik avtomobilinin sürücüsü güclü yağış fonunda qəfildən idarəetməni itirib. Nəticədə nəqliyyat vasitəsi yoldan çıxaraq kənardakı su arxına düşüb. Hadisə zamanı avtomobilə ciddi ziyan dəysə də, xoşbəxtlikdən xəsarət alanlar barədə məlumat daxil olmayıb.
Hazırda ərazidə hava şəraitinin yaratdığı fəsadların aradan qaldırılması istiqamətində işlər aparılır. Aidiyyəti qurumlar sürücülərə belə hava şəraitində diqqətli olmağı və sürət həddini minimuma endirməyi tövsiyə edir.
Sara,
