İsrail mediası Qətərin Qəzzada əsirlərin dəyişdirilməsi ilə bağlı Təl-Əviv rəhbərliyinə iki mərhələli təklif təqdim etdiyini iddia edib.
NOCOMMENT xəbər verir ki, Qətərin təqdim etdiyi təklifin birinci mərhələsində Qəzzadakı döyüşlərdə bir aylıq fasilə qarşılığında Həmas tərəfindən saxlanılan 40-50 məhbusun azad edilməsinin nəzərdə tutulduğu bildirilib.
Təfərrüatları hələ dəqiqləşdirilməmiş və daha mürəkkəb olacağı gözlənilən ikinci mərhələnin İsrail ordusunun Qəzzadan çıxarılmasının nəzərdə tutulduğu qeyd edilib.
İsrail mətbuatında yer alan iddialarla bağlı Qətərdən hələlik bir açıqlama yoxdur.
