İtaliya hökuməti yeni növ koronavirusun yayılmasının qarşısını alan məhdudiyyətlərin yumşaldılması üçün iyunun 3-dən etibarən AB ölkələrinə sərhədlərini açacaq.
NOCOMMENT.az xarici mətbuata istinadən xəbər verir ki, epidemiya səbəbi ilə 3 aydır ki, fövqəladə vəziyyətə düşən İtaliya məhdudiyyətlərin yumşaldılması proseslərini davam etdirir.
Ölkə Baş Naziri bu barədə açıqlama verib. Bildirilir ki,İtaliya 3 iyundan etibarən sərhədlərini açacaq və eyni zamanda epidemioloji cəhətdən risk olmayan ölkələrdən və ya bölgələrdən gələnlər üçün 14 günlük karantin tətbiqi də aradan qaldıracaq.
Eyni zamanda iyunun 3-də xarici sərhədlərin açılması ilə yanaşı, mart ayından bəri məhdudlaşdırılan bölgələrarası səyahətlərə də icazə veriləcək.
Qeyd edək ki, İtaliyada 18 maydan etibarən mağaza, restoran və ibadət yerlərinin açılacağı bildirilib.
