Bu günə qədər Qarabağdakı son müharibədə 3 621 nəfərin ölməsi təsdiq edilib.
NOCOMMENT Sputnik Armenia-ya istinadən xəbər verir ki, bu sözləri Ermənistan Baş naziri Nikol Paşinyan bu gün parlamentdə çıxışı zamanı deyib.
Ermənistanın baş naziri itkin düşənlərin sayının 321 nəfər olduğunu qeyd edib.
“201 nəfərin qalıqları DNT analizi mərhələsindədir”, – deyə baş nazir bildirib.
N.Paşinyan əlavə edib ki, 100-dən çox cəsədin şəxsiyyəti müəyyən edildikdən sonra onların kimliyi açıqlanıb, ancaq bu şəxslərin yaxınları araşdırmanın nəticələrini qəbul etməkdən imtina edir və analizlərin xarici ölkədə aparılmasını tələb edirlər.
“DNT analizinin nəticələrinə inanmayan ailələr var”, – N.Paşinyan qeyd edib.
