Jurnalist, Masallı rayonunda dərc olunan “Cənub xəbərləri” qəzetinin baş redaktoru Zahir Əmənov azadlığa buraxılıb.
NOCOMMENT xəbər verir ki, bu barədə onun vəkili Elçin Sadıqov sosial şəbəkələrdə məlumat paylaşıb.
Z.Əmənovun barəsində polisin nəzarətinə verilmə tədbiri seçilib.
Xatırladaq ki, “cenub.az” xəbər portalının rəhbəri Z.Əmənov bir neçə gün əvvəl Masallı Rayon Polis Şöbəsinin (RPŞ) əməkdaşları tərəfindən saxlanılıb. Onun barəsində Cinayət Məcəlləsinin 182.1-ci (Hədə-qorxu ilə tələb etmə) maddəsi ilə cinayət işi başlanılıb.
İddialara görə, Z.Əmənov Masallı Rayon İcra Hakimiyyətinin Sığdaş kənd ərazisi üzrə nümayəndəsi İsrafil Əliyevdən hədə-qorxu yolu ilə pul alıb.
