Norveç hökuməti “əsrin fəlakəti” olaraq xarakterizə edilən Kahramanmaraş mərkəzli zəlzələdən zərər çəkənlər üçün təcili yardım təyyarəsi kimi istifadə edilən hərbi nəqliyyat təyyarəsini Türkiyəyə göndərib.
NOCOMMENT-in məlumatına görə Norveçin zəlzələ qurbanlarına dəstəyi NATO-nun Avro-Atlantik Fəlakətlərə Cavab Koordinasiya Mərkəzi tərəfindən türk hakimiyyət orqanları ilə sıx əməkdaşlıq çərçivəsində koordinasiya edilib.
NATO-nun bəyanatına görə, Norveç tərəfindən göndərilən C-130J Hercules nəqliyyat təyyarəsi fevralın 13-də ilk tibbi evakuasiya uçuşunu həyata keçirib. Bu təyyarə ilə zəlzələlərdə yaralanan 28 nəfər Adanadan aparılaraq Ankaradakı xəstəxanalara çatdırılıb.Norveç təyyarəsinin və göyərtəsindəki tibb işçilərinin bu cür təxliyə əməliyyatlarında təcrübəli olduğu, Ukraynadakı müharibədən zərər çəkmiş çoxlu sayda insanın son aylarda Avropa ölkələrindəki xəstəxanalara aparıldığı bildirilib.O da qeyd olunub ki, Hollandiya və İngiltərədən gələn analoji təyyarələr də Türkiyədə zəlzələdən zərər çəkənlərə yardım etmək üçün çalışır.
