İsrailin Baş naziri Benyamin Netanyahu ABŞ Prezidenti Donald Tramp ilə münasibətlərinin hazırkı səviyyəsi və İranın nüvə proqramına qarşı birgə fəaliyyət planları barədə mühüm bəyanatlar verib. Netanyahu qeyd edib ki, o, Tramp ilə demək olar ki, hər gün ünsiyyətdədir və tərəflər arasında hərəkətlərin tam koordinasiyası mövcuddur, buna görə də hər hansı bir sürprizin baş verməsi gözlənilmir.
Baş nazir vurğulayıb ki, hazırda İsrail və ABŞ-ın ortaq hədəfləri var və bunlardan ən əsası bütün zənginləşdirilmiş materialların İrandan çıxarılması, eləcə də Tehranın uranı zənginləşdirmə sahəsindəki potensialının tamamilə ləğv edilməsidir.
NOCOMMENT.az xəbər verir ki, bu açıqlamalar bölgədə hərbi gərginliyin artdığı və Hörmüz boğazında təhlükəsizlik risklərinin pik həddə çatdığı bir vaxtda verilib. Netanyahunun sözlərinə görə, Vaşinqton və Tel-Əviv İranın nüvə təhdidini aradan qaldırmaq məsələsində eyni mövqedən çıxış edir və bu istiqamətdə strateji əməkdaşlıq ən yüksək səviyyədə davam etdirilir.
Bu koordinasiyalı yanaşma regionda güc balansının dəyişməsi və İranın nüvə ambisiyalarına qarşı daha sərt tədbirlərin görülməsi ehtimalını gücləndirir.
Sara,
NOCOMMENT.az
