Ermənistanda koronavirusdan ölənlərin sayı artıb.
NOCOMMENT.az erməni mətbuatına istinadən xəbər verir ki, bunu ölkənin səhiyyə naziri Arsen Torosyan Feysbuk hesabında bildirib.
Onun sözlərinə görə, martın 29-da Nork xəstəxanasında 2 nəfər koronavirusdan ölüb. Onlardan biri 55 yaşlı qadın və digəri 73 yaşlı kişidir. Onların hər ikisi başqa xroniki xəstəlikdən əziyyət çəkirmiş.
Bununla da Ermənistanda koronaviusdan ölənlərin sayı 3 nəfərə çatıb.
Xatırladaq ki, martın 28-nə olan məlumata əsasən, Ermənistanda 407 yoluxma faktı qeydə alınıb.
