Polşada baş vermiş ağır yol qəzasında 3 azərbaycanlı həlak olub.
NOCOMMENT qafqazinfo-ya istinadən xəbər verir ki, hadisə Polşanın Poznan şəhəri yaxınlığında, oktyabrın 21-də baş verib.
“Ford” markalı mikroavtobusun “MAN” markalı yük avtomobilinə çırpılması nəticəsində Gürcüstan vətəndaşı olan 3 azərbaycanlı həlak olub, daha 8 nəfər isə xəsarət alıb. Ölənlər Marneuli rayonu, Əzizkənd kənd sakini 22 yaşlı Əli Abdullayev, Qardabani rayonu, Birlik kənd sakini Kərəm Bayramov və Marneuli rayonu, Baydar kənd sakini Könül Balagözovadır.
Hadisədə xəsarət alan şəxslərdən bir neçəsinin də xəstəxanada vəfat etdiyi bildirilir.
Qeyd edək ki, adıçəkilən azərbaycanlıların bir müddət əvvəl işləmək məqsədi ilə bu ölkəyə getdiyi bildirilir.
