Bakı Mühəndislik Universitetinin (BMU) Kimya mühəndisliyi ixtisasının məzunu Məhərrəm Cəbrayılov təhsilini ABŞ-nin Luiziana Dövlət Universitetində davam etdirəcək.
NOCOMMENT xəbər verir ki, bu barədə “Azərbaycan Universitetləri” feysbuk səhifəsi məlumat yayıb.
Bildirilib ki, M.Cəbrayılov bu universitet ilə yanaşı, ABŞ-nin İllinoys Universitetinin eyni ixtisas üzrə doktorantura pilləsində tam təqaüdlə, İtaliyanın Milan Politexnik Universiteti, Almaniyanın Hamburq Texnologiya Universiteti və Kanadanın Alberta Universitetinin magistr pilləsinə (Kimya mühəndisliyi – təqaüdsüz) qəbul alıb.
Məhərrəmin alacağı təqaüd məbləği illik 28 min ABŞ dolları təşkil edir.
O, hazırda Universitetdə professor Ceyms Dormanın rəhbərlik etdiyi nano-materiallar və katalizatorlar laboratoriyasında tədqiqatçı tələbə kimi fəaliyyət göstərir.
