29.11.2025-i il tarixində saat 00:30 radələrində 2 nəfər (kişi) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunublar.
Bu barədə NOCOMMENT.az -a TƏBİB-dən məlumat verilib
Bildirilib ki, qabırğa və boyun fəqərələrinin sınığı diaqnozu təyin olunan pasiyentlərə zəruri tibbi xidmətlər göstərilib.
Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.
*** 21:35
Gəncədə yol qəzası olub.
NOCOMMENT.az-ın qərb bürosunun məlumatına görə, hadisə şəhərin Əziz Əliyev prospektində qeydə alınıb.
Hərəkətdə olan Mersedes markalı minik maşını idarəetmədən çıxıb. Nəticədə minik avtomobili yolun kənarına aşıb. 2001-ci il təvəllüdlü İbrahim Haqverdiyev, 2004-cü il təvəllüdlü Hüseyn Məmmədov və daha bir nəfər xəsarət alaraq xəstəxanaya yerləşdirilib.
Fakt araşdırılır.
