Ermənistanın baş naziri Nikol Paşinyan İranın vitse-prezidenti Seyid Həmid Purməhəmmədinin başçılıq etdiyi nümayəndə heyətini qəbul edib.
NOCOMMENT.az xəbər verir ki, görüş zamanı Paşinyan regionda sülh və sabitliyin möhkəmləndirilməsinin vacibliyini vurğulayaraq, bu səfərin ikitərəfli münasibətlərin və regional əməkdaşlığın inkişafına töhfə verəcəyinə əminliyini ifadə edib. Seyid Həmid Purməhəmmədi öz növbəsində İran prezidenti Məsud Pezeşkianın salamlarını çatdırıb və çətin vəziyyətdə göstərilən humanitar yardıma görə Ermənistan hökumətinə təşəkkür edib.
Tərəflər erməni-iran sərhəd infrastrukturunun inkişafı, xüsusilə ikinci körpünün və yeni terminalın tikintisi, həmçinin gömrük sahəsində əməkdaşlığın genişləndirilməsi məsələlərini müzakirə ediblər. Energetika, yol tikintisi, kənd təsərrüfatı və dağ-mədən sənayesi kimi sahələrdə birgə layihələrin inkişafı prioritet istiqamətlər kimi qeyd olunub. Görüşdə həmçinin regional kommunikasiyaların açılması prosesi və yeni imkanlar ətrafında fikir mübadiləsi aparılıb.
Sara,
