Ermənistanın paytaxtı İrəvanın “Surmalu” ticarət mərkəzində baş verən yanğın zamanı fövqəladə hallar nazirinin müşavirinin avtomobilinin şüşəsi sındırılıb, pulqabı oğurlanıb.
NOCOMMENT Sputnik Armenia-ya istinadən xəbər verir ki, bu barədə Ermənistanın Fövqəladə Hallar Nazirliyinin mətbuat katibi Ayk Kostanyan məlumat verib.
Onun sözlərinə görə, hadisə partlayışın ilk günündə baş verib.
Xatırladaq ki, avqustun 14-də “Surmalu” ticarət mərkəzində baş verən partlayış nəticəsində 16 nəfər ölüb, 1 nəfər itkin düşüb. Zərərçəkənlərin ümumi sayı 62 nəfərdir.
Hazırda yaralılardan 4-nün müalicəsi müxtəlif xəstəxanalarda davam etdirilir, səhhətləri qənaətbəxş qiymətləndirilir.
Dağıntılar altından 21 avtomobil çıxarılıb.
