Rusiyanın Ermənistandakı səfirliyi ölkənin Xarici İşlər Nazirliyinə nota göndərib.
NOCOMMENT Sputnik Armenia-ya istinadən xəbər verir ki, buna səbəb “Surmalu” ticarət mərkəzində baş vermiş partlayışla bağlı yerli KİV-də Rusiyanın ittiham olunmasıdır.
“Biz bunu Rusiya-Ermənistan müttəfiqlik münasibətlərinə xələl gətirmək məqsədi daşıyan bu cür eyhamların arxasında duran siyasi qüvvələrin birbaşa təxribatı kimi qiymətləndiririk. Biz Ermənistan hakimiyyətindən bu cür qeyri-dost təzahürlərin qarşısını almağa yönəlmiş addımlar gözləyirik”, – deyə bəyanatda bildirilib.
Səfirlik xatırladıb ki, Rusiya-Ermənistan Humanitar Cavab Mərkəzinin təmsil etdiyi Rusiya tərəfi ilk dəqiqələrdən faciənin nəticələrinin aradan qaldırılması işlərinə cəlb olunub.
