ABŞ Dövlət Departamenti Ankaranın F-16 qırıcılarının tədarükü ilə bağlı müraciəti əsasında ABŞ-Türkiyə danışıqlarının aparıldığını təsdiqləyib.
NOCOMMENT türk mediasına istinadən xəbər verir ki, bu barədə ABŞ Dövlət Departamentinin Mətbuat Xidmətinin rəhbəri Ned Prays bildirib.
“F-16 qırıcılarının texniki xidmətləri üçün Türkiyənin tələbi ilə görüşlər davam edir. Türkiyə nümayəndə heyəti bununla bağlı müzakirələr aparmaq üçün ABŞ-yə gəlib. Biz Konqresə rəsmi məlumat verilməyənə qədər iddia edilən hərbi transferləri açıq şəkildə şərh etmirik və ya təsdiq etmirik” , – deyə Prays vurğulayıb.
O, Türkiyə hökumətinin ABŞ ilə hərbi-texniki əməkdaşlıq sahəsində gələcək niyyətlərini birbaşa Ankaradan aydınlaşdırmağı təklif edib.
