Ermənistanın Təhlükəsizlik Şurasının (TŞ) katibi Armen Qriqoryan İsveçin xarici işlər naziri Tobias Bilstremlə görüşüb.
NOCOMMENT Sputnik Armenia-ya istinadən xəbər verir ki, nazir rəsmi Stokholmun regionda stabilliyin təminatına kömək etməyə hazır olduğunu bildirib.
Qriqoryan vəziyyəti, eləcə də Azərbaycan tərəfinin Ermənistanı Qarabağla birləşdirən yeganə yolu – Laçın dəhlizini bağlaması nəticəsində yaranmış humanitar böhranı təqdim edib. Bu kontekstdə Ermənistan Təhlükəsizlik Şurasının katibi beynəlxalq ictimaiyyətin müvafiq reaksiyasının vacibliyini vurğulayıb.
Nazir isə qeyd edib ki, İsveç, o cümlədən ATƏT çərçivəsində də prosesdə iştiraka hazırdır.
